निवर्तमान सञ्चार तथा सुचना प्रविधिमन्त्री गोकुल बाँस्कोटाले ७० करोड कमिसन मागेको अडियो सार्वजनिक गर्ने विजयप्रकाश मिश्रलाई लिखित जवाफसहित उपस्थित हुन अदालतले म्याद जारी गरेको छ।
गत शुक्रबार बाँस्कोटाले आफूमाथि झुठा आरोप लगाएको भन्दै जिल्ला अदालत काठमाडौंमा मुद्दा दायर गरेका थिए।
सोही मुद्दामा मिश्रलाई जारी गरिएको म्यादबारेको पत्र तामेलदारलाई पठाइसकिएको जिल्ला अदालत काठमाडौंका श्रेष्तेदार आनन्द प्रसाद श्रेष्ठले जानकारी दिए। अदालतले दिएको म्यादभित्र अब मिश्रले जवाफ दिनु पर्नेछ।
बाँस्कोटाले १६ फागुनमा आफूमाथि भ्रष्टचारको झुठो आरोप लगाएको भन्दै गाली बेइज्जतीमा मुद्दा दिएका हुन्।
अडियो बाहिरिएपछि बाँस्कोटाले ८ फागुनमा राजीनामा दिएका थिए।
