मुख्यमन्त्री राउतको आरोप : बेपत्ता परिवारका लागि राज्य इमान्दार भएन

जनकपुरधाम, २२ फागुन । दुई नम्बर प्रदेशका मुख्यमन्त्री लालबाबु राउतले राज्य इमान्दार नहुँदा बेपत्ता परिवारले अभैm न्याय पाउन नसकेको टिप्पणी गरेका छन् ।

जनकपुरमा आयोजित पीडित तथा सरोकारवालाहरूसँग प्रदेशस्तरीय अन्तर्क्रिया कार्यक्रममा बिहीबार मुख्यमन्त्री राउतले बेपत्ता पारिएको परिवारलाई न्याय दिलाउन राज्य इमान्दार हुनुपर्नेमा जोड दिए ।

बेपत्ता पारिएको व्यक्तिको छानबिन आयोग, ललितपुरले आयोजना गरेको अन्तरक्रिया कार्यक्रममा मुख्यमन्त्री राउतले आउँदो केही दिनभित्रै बेपत्ता परिवारले न्याय पाउने विश्वास व्यक्त गरे ।

दुई नम्बर प्रदेशमा रहेका १ सय ९६ बेपत्ता परिवारको न्यायका लागि प्रदेश सरकारले आप्mनो स्तरबाट सहयोग गर्ने मुख्यमन्त्री राउतले बताए । उनले भने, ‘बेपत्ता परिवारको समस्यालाई अब नबल्झाऔँ । चाँडोभन्दा चाँडो निक्र्यौलमा पु¥याऔँ ।’

परिवारका सदस्य गुमाएकाको पीडा कम गर्नका लागि पनि न्याय दिनुपर्ने तर्क उनले गरे । मुख्यमन्त्री राउतले बेपत्ता पारिएको परिवारको समस्या तत्काल समाधान गर्न आयोगलाई आग्रह गरे । रासस

The post मुख्यमन्त्री राउतको आरोप : बेपत्ता परिवारका लागि राज्य इमान्दार भएन appeared first on Koshi Online.