चितवन, कार्तिक ४ – चितवनको भरतपुर महानगरपालिका–१० एयरपोर्ट नजिक गए राति भएको स्कुटर दुर्घटनामा दुई जनाको मृत्यु भएको छ।
मंगलवार विहान करिब २ बजे बा.प्र.०६–००३ प ०६९२ नम्बरको स्कुटर आफैं अनियन्त्रित भई पल्टिँदा भरतपुर–२१ निवासी २५ वर्षीय सन्दीप घिमिरे र पछाडि सवार २८ वर्षीय कुशल अर्याल गम्भीर घाइते भएका थिए।
घाइते दुवै जनालाई तत्काल उपचारका लागि भरतपुर सरकारी अस्पतालमा लगिएको थियो। तर उपचारको क्रममा राति करिब २:३५ बजे चिकित्सकले दुबै जनालाई मृत घोषणा गरेका छन्।
मृतकको शव भरतपुर सरकारी अस्पतालमै राखिएको जिल्ला प्रहरी कार्यालय चितवनले जनाएको छ। दुर्घटनाको कारण सम्बन्धमा प्रहरीले थप अनुसन्धान भइरहेको जनाएको छ।
