चितवन, पुस २६– जिल्ला प्रशासन कार्यालय चितवनले जिल्लामा भइरहेको चितवन महोत्सव २८ गतेसम्म चल्न दिने निर्णय गरेको छ भने रत्ननगर महोत्सव गर्न रोक लगाएको छ । आज जिल्ला प्रशासन कार्यालयमा बसेको डीसीसीएमसीको बैठकले हाल आयोजना भइरहेको चितवन महोत्सवलाई २८ गतेसम्म चल्न दिने र भोलीबाट हुने भनिएको रत्ननगर महोत्सव लगायतको मेला महोत्सव तत्कालका लागि बन्द गर्ने निर्णय गरेको छ ।
यस्तो छ जिल्ला प्रशासन कार्यालय चितवनको आजको निर्णयहरु
* पछिल्लो समग विश्व परिवेश र छिमेकी मुलुकहरुमा तिब्र रुपमा फैलिरहेको कोभिड १९ को नयाँ भ्यरियंट सहितको संक्रमण तिब्र रुपमा फैलिरहेको र यसको जोखिम चितवतमा समेत बढ्दै गईरहेको वर्तमान अवस्थाको चुनौती र आगामी कार्यका सम्बन्धमा विस्तृत छलफल र समिक्षा भयो ।
* केन्द्रिय कोभिड -१९ ब्यवस्थापन समितिको मिति २०७८ साल पौष २५ गतेको बैठकबाट सिफारिस भइ आएका निर्णय कार्यान्वयनको लागि तथा चितवन जिल्लामा बढ्दै गएको कोभिड-१९ को जोखिमको प्रभावकारी रोकथाम नियन्त्रण र उपचारलाई व्यवस्थीत गर्न २०७८/०९/२७ गते बिहान ६:०० बजै देखि अर्को आदेश नभए देहाय अनुसार गर्नै ।
१. अनिवार्य माक्स तथा स्यानिटाइजरको प्रयोग, भौतिक दुरी कायम लगायतका स्वास्थ्यका मापदण्ड अनिवार्य पालना गर्न तथा गराउन जनचेतना अभिवृद्दि गर्दै उपचार व्यबस्थापनलाइ प्रभावकारी बनाउन साविक स्थानीय तहबाट वनाइएका र जिल्ला स्थित अस्पतालहरुका आइसोलेशनहरु तयारी अवस्थामा राख अनुरोध गर्ने ।
२. भौतिक रूपमा २५ जना भन्दा बढी उपस्थित भई हुने सबै प्रकारका सभा; प्रदर्शन, भेला, जात्रा, महोत्सब सञ्चालन गर्न रोक लगाउने । साथै संचालन भईरहेको महोत्शबको हकमा मिति २०७८/९/२९ गते पुर्ण रुपमा बन्द गर्ने गरी मिति २०७८/९/२८ गते सम्म व्यवस्थापनको लागी समय उपलब्ध गराउने । देबघाटमा लाग्ने माघे सक्रान्ति (मकर) मेला पुर्ण रुपमा सन्चालनमा रोक लगाउने ।
३. जिल्ला स्वास्थ्य कार्यालय मार्फत नियमित खोप केन्द्रहरुमा खोपलाइ अभियानकै रुपमा थप प्रभावकारी रुपमा अगाढि वढाउने, सार्वजनिक स्थानहरुमा साविकमा चलाइएका निशुल्क एन्टीजेन टेष्ट बुथहरु स्थानिय तहहरुमार्फत पुन संचालन गर्ने ।
४. मिति २०७८/१०/०७ गते देखि सार्वजनिक स्थानहरुमा (कार्यलय, होटल, रेष्टुरेन्ट सिनेमाहल, रंगशाला) प्रवेश गर्दा र सार्वजनिक सेवा प्राप्त गर्दा, आन्तरिक उडानमा जाँदा अनिवार्य रुपमा क्रोभिड विरुद्धको भ्याक्सिन लगाएको कार्ड (मोवाइलमा भएपनि हुने ) अनिवार्य गर्ने ।
५. सबै आधारभुत तथा माध्यमिक विद्यालयहरु संचालनको हकमा नेपाल सरकार शिक्षा मन्त्रालयको निर्णयानुसार गर्ने । विश्वविद्यालय, क्याम्पस, लगायत सबै शैक्षिक प्रतिष्ठानका पुर्व निर्धारित सेमेष्टर र वार्षिक परीक्षाहरु जनस्वास्थ्य र सुरक्षा मापदण्ड पालना हुनेगरी जेड आकारमा बसाई व्यवस्था गरि संचालन गर्ने परीक्षा केन्द्रमा मास्क र स्यानिटाईजरको प्रयोग अनिवार्य गर्ने र भौतिक दूरीको प्रावधान कडाईका साथ परिपालना गर्ने ।
६. जिल्ला स्थित सबै सरकारी कार्यालयहरुले जनस्वास्थ्यका निर्धारित मापदण्ड अनिवार्य रूपमा पालना गर्ने सुनिश्चितता गरी संक्रमणको जोखिम र भिडभाडको अवस्थाको विश्लेषण गरी उपर्युक्त प्रणाली अवलम्वन गरी भिडभाड नहुने प्रबन्ध मिलाई सेवा प्रवाह गर्ने ।
७. उधोग कलकारखाना, ब्यापार व्यवसाय, बैंक तथा बित्तीय संस्थाहरु, जनस्वास्थ्यका निर्धारित मापदण्ड अनिवार्य रूपमा पालना गर्ने सुनिश्चितता गरी सञ्चालन गर्ने ।
८. जिल्ला भित्र संचालन हुने सार्वणनिक तथा निजी सवारी साधनमा देहायका मापदण्ड पालना गर्ने गरी सञ्चालन गर्ने:-
- सिट क्षमता भन्दा बढी यात्रु नराख्ने ।
- सबै यात्रुहरुले अनिवार्य रुपमा मास्क लगाउने |
- मास्क नलगाउने यात्रुलाई सबारी साधनमा प्रबेश गर्न नदिने ।
- चालक र सहचालकले अनिवार्य मास्क लगाउने ।
- सवारी साधनको डोकामा स्यानिटाइजरको व्यबस्था गर्ने ।
- सबारी साधन दैनिक निसंक्रमण (Disinfection) गर्ने ।
