आज पनि वर्षा र हिमपात हुने सम्भावना

0
32

आज (शनिबार) पनि देशका विभिन्न स्थानमा वर्षा तथा हिमपात हुने सम्भावना रहेको मौसमविद्ले बताएका छन्।

हिजो (शुक्रबार) पश्चिम र मध्य क्षेत्रमा वर्षा तथा हिमपात भएकामा आज पूर्वतर्फ अलि बढी वर्षा तथा हिमपातको सम्भावना रहेको मौसम पूर्वानुमान महाशाखाका मौसमविद्ले जानकारी दिएका हुन्।

‘तर पश्चिममा पनि अलि–अलि बदलीचाहिँ हुने देखिन्छ,’मौसमविद् कँडेलले नेपालखबरसँग भनिन्, ‘पूर्वका पहाड तथा तराई दुवै भेगमा वर्षाको सम्भावना छ भने अन्य क्षेत्रका पहाडी भेगमा पनि पानी पर्ने सम्भावना देखिन्छ।’

यसैगरी उच्च पहाडी तथा हिमाली भेगमा हल्का हिमपात हुने सम्भावना रहेको उनले बताइन्।

आज काठमाडौं उपत्यकामा आंशिक बदली (कहिले घाम, कहिले बादल) हुने देखिन्छ भने फाटफुट वर्षाको पनि सम्भावना रहेको उनले जानकारी दिइन्।

आज काठमाडौं उपत्यकाको न्यूनतम तापक्रम ९.४ डिग्री सेल्सियस रहेको उनले बताइन्।

‘पश्चिमी न्यून चापीय प्रणाली अहिले पूर्वतर्फ सर्ने क्रममा छ र कमजोर हुँदै गएको छ,’ मौसमविद् कँडेलले भनिन्, ‘भोलि (आइतबार)देखि यसको प्रभाव कमजोर हुने देखिन्छ।’

साउदी राजकुमार विन सलमानले हिजो उद्घाटन गरेको २० अर्ब डलरको ‘जेद्दा प्रोजेक्ट’ के हो ?

Previous articleभ्रष्टाचारीलाई कारवाही गर्न नेविसंघको माग
Next articleजिल्ला प्रहरी कार्यालय नजिक प्रेसरकुकर बम, डिस्पाेजल टाेली घटनास्थलमा