राइनासकोटमा रेस्लिङ प्रतियोगिता

0
31

लमजुङ । लमजुङमा भ्रमण वर्ष– २०२० लाई सफल बनाउन सहयोग गर्ने उद्देश्यका साथ ग्रामीण पर्यटकीय केन्द्र राइनासकोटमा रेस्लिङ प्रतियोगिता गरिएको छ । राइनास नगरपालिकाको आयोजना हिमालयल टाइगर र शंकर स्पोर्टर्स क्लबको व्यवस्थापनमा शिवरात्रीका अवसरमा उक्त प्रतियोगिता गरिएको हो ।

प्रतियोगितामा अस्ट्रेलिया, जापान, भारत र नेपालका १० जनाले भाग लिएका थिए भने दुई जना रेफ्री सहभागी थिए । उक्त अवसरमा दुई वटा महिला र पुरुषका सो म्याच, पाँच वटा सिंगल र दुई वटा संयुक्त प्रतियोगिता गरिएको गृहजिल्ला लमजुङ भएका नेपाली रेस्लर हिमालय टाइगरका नामले परिचित भरत विसुरालले बताए । उनले भने, ‘अस्टे«लिया र जापानका खेलाडीले आफ्नो स्वदेशमा समेत उक्त खेलको प्रचार गर्ने गरी भिडियो रेकर्ड गरी लगेका छन् ।

यो खेल मूलतः भ्रमण वर्षलाई सफल बनाउने उद्देश्यले आयोजना गरिएको हो ।’ भ्रमणवर्ष भनेको लोगो राख्ने र भाषण गर्नेमा मात्र हो र ? भन्ने प्रश्न गर्दै उनले भने, ‘यो खेलले विदेशमा नेपालमा शान्ती छ, मानिसहरू सुरक्षित छन् भन्ने सन्देश दिन ठूलो मद्दत मिल्ने छ ।’ उनका अनुसार व्यवहारमै लमजुङ र नेपालको प्रचार गर्नका लागि ठूलो काम भएको छ, खेल हेर्नका लागि सायौंको संख्यामा स्थानीयको भिड जम्मा भएको थियो । राइनास नगरपालिका हिमालय टाइगरको जन्म ठाउँ पनि हो । राइनास नगरपालिका– ८, मा उनको जन्म थलो पर्दछ ।

प्रतिव्यक्ति दुई सयका दरले टिकटको प्रवन्ध गरिएको खेलाका लागि ६० हजार रुपैयाँको टिकट विक्री भएको नगरपालिकाले जनाएको छ । मौसमको गडबडीका कारणले टिकटलाई व्यवस्थित गर्न सकिएन टिकट बिनाका मानिसहरू धेरै दर्शक बन्न भ्याए स्थानीय समाजसेवी खड्गबहादुर गुरुङले बताए ।

प्रतियोगितामा भाग लिन अस्टे«लियाबाट हाइपोनोटिक क्रिस ट्रान्स र जापानबाट फुगोफुगो युमैजी आएका थिए । उनीहरूलाई जनही एक लाख २२ हजार नौ सय ६० रुपैयाँका दरले भत्ता दिएको हिमालय टाइगरले बताए । उनका अनुसार भारतबाट वालिया नास्की आएका थिए । त्यस्तै नेपालबाट हिमालय टाइगरका साथै संगीता जिरेल, जमुना तामाङ, युनिका र जुरेलीले भाग लिएको हिमालय टाइगरले बताए ।

रेस्लिङ खेलका सहभागीहरूलाई प्रोत्साहन स्वरुप नगरपालिकाले १०/१० हजार नगद दिएको राइनास नगरपालिकाका मेयर सिंहबहादुर थापाले बताए । उनको प्रमुख आतिथ्यतामा गरिएको सो प्रतियोगिता वडा नं–९,का वडाध्यक्ष देवबहादुर थापाको अध्यक्षतामा भएको थियो । कार्यक्रममा राइनास नगरपालिकाका उपमेयर धनकुमारी गुरुङ र दूधपोखरी गाउँपालिकाका अध्यक्ष छुपिमाया गुरुङ विशेष अतिथि थिए ।

उक्त प्रतियोगिताका लागि आफूले सात लाख ९५ हजारको प्रपोजल नगरपालिकालाई दिएको हिमालय टाइगरले बताए । उनले भने, ‘तर नगरपालिकाले जे जस्तो सहयोग होला भन्ने आशा गरिएको थियो, कार्यक्रम सञ्चालन भइरहदा त्यस्तो अनुभव हुन सकेन ।’

The post राइनासकोटमा रेस्लिङ प्रतियोगिता appeared first on Rajdhani Daily News.

मन्त्रिपरिषद् बैठक : स्थानीय तहको निर्वाचन वैशाख ३० गते गर्ने निर्णय

Previous articleजिल्ला ट्राफिक कार्यालय दाङद्वारा ‘सुरक्षित यात्रा कार्यक्रम’ सुरु
Next articleप्रधानमन्त्रीको ‘भिजन टु एक्सन’ पुस्तक : राष्ट्रकवि घिमिरे र शताब्दीपुरुष जोशीद्वारा सार्वजनिक