तालमा बेपत्ता लुइँटेल मृत फेला

पोखरा । फेवातालमा डुंगा डुब्दा बेपत्ता काठमाडौं–१०, कपनका २७ वर्षीय सुमित भन्ने रामशरण लुइँटेल घटनाको भोलिपल्ट मृत फेला परेका छन् । तालमा तैरिरहेको अवथामा दिउँसो २ः३५ बजे उनको शव फेला पारिएको जिल्ला प्रहरी कार्यालय कास्कीले जनाएको छ ।

डुंगा भाडामा लिएर लुइँटेलसहित ३ जना तालमा सवार रहेकोमा सोमबार दिउँसो सो डुंगा एक्कासी डुबेको थियो । डुंगासहित तालमा डुबेका काठमाडाैं –१०, कपनका २७ वर्षीय सुविन चालिसे र २८ वर्षीय रुपेश अधिकारीलाई भने प्रहरीले सकुशल उद्धार गरेको थियो । लुइँटेललाई फेला पार्न सकिएको थियो । उक्त घटनाबारे प्रहरीले थप अनुसन्धान अगाडि बढाएको प्रहरी नायव उपरीक्षक राजेन्द्रबाबु रेग्मीले बताए ।

The post तालमा बेपत्ता लुइँटेल मृत फेला appeared first on Rajdhani Daily News.