लण्डन । ब्रिटिश राजकुमार राजकुमार ह्यारीले लन्डनमा अमेरिकी गायक जोन बोन जोभीसँगै माइक्रोफोन समातेका छन् । उनीहरू अबे रोड स्टुडियोमा जोभीको पुरानो गीत ‘अनब्रोकन’को पुनः रेकर्डिङमा सहभागी भएका हुन् ।
उनीहरूले सो गीत सशस्त्र सुरक्षा फौजमा घाइते भएकाहरू समावेश इन्भिक्टस गेम्स कोअरसँग रेकर्ड गरेका हुन् । मार्चको अन्त्यमा शाही जिम्मेवारीबाट मुक्त हुने राजकुमार ह्यारीले आफू र जोभीले गीत गाएको छोटो भिडिओ सामाजिक सञ्जालमा राखेका छन् ।
बोन जोभीले आफू ‘पहिले राजकुमार भनेर चिनिएका गायक’ सँग काम गर्न गइरहेको बताएका थिए । बिटल्सका कारण चर्चित बनेको स्टुडियोको भर्याङ्मा दुवैले एकअर्कासँग भेटेको बताइएको छ । त्यसपछि दुवैलाई सन् १९६० को दशकमा बिटल्सले गीत रेकर्ड गर्ने स्टुडियो–२ देखिने कन्ट्रोल रुममा लगिएको थियो ।
त्यहाँ खिचिएको एउटा भिडिओमा दुवैजनालाई हेडफोन लगाएको देख्न सकिन्छ तर सो भिडिओ उनीहरूको गीत गाउन सुरु गर्ने बेलामा सकिन्छ । बोन जोभीले आफूले राजकुमार ह्यारीलाई गीत पठाएको र ह्यारीले आफू इन्भिक्टस गेम्ससँग गरिने कुनै पनि कार्यमा सहभागी हुन इच्छुक रहेको बताएका थिए ।
राजकुमार ह्यारीले सन् २०१४ मा घाइते सशस्त्र सुरक्षा फौजका मानिसहरूलाई सहयोग गर्न इन्भिक्टस गेम्स कोअर स्थापना गरेका थिए । जोन बोन जोभीका बाबुआमाले नै अमेरिकी सेनामा सेवा गरेका थिए । सो गीत मार्चको अन्त्यमा सार्वजनिक हुने बताइएको छ ।
The post राजकुमार ह्यारीले बोन जोभीसँग गीत गाए appeared first on Rajdhani Daily News.