‘वर्ग संघर्षको कुरा चित्त बुझेन जुत्ता हानेँ’

काठमाडौं । नेकपा अध्यक्ष पुष्पकमल दाहाल प्रचण्डलाई जुत्ता हान्ने ब्यक्ति पूर्व माओवादी कार्यकर्ताको छोरा रहेको खुलेको छ । जुम्लाका २२ वर्षिय रतन तिरुवाले भाषण चित्त नबुझेपछि आवेशमा जुत्ता हानेको प्रतिक्रिया दिएका छन् ।

राष्ट्रिय सभागृहमा आयोजित भरतमोहन अधिकारीको पहिलो स्मृति सभामा संबोधनपछि प्रचण्डलाई ताकेर जुत्ता हानेका उनले प्रचण्डको वर्ग संघर्षको कुरा चित्त नबुझेपछि आवेशमा घटना भएको बताएका हुन् ।

‘भाषण सुनिरहेको थिएँ । भाषणमा वर्गसंघर्षको कुरा चित्त बुझेन, आवेशमा आएर जुत्ता हानेँ’ सिंहदरबार प्रहरी वृत्तमा प्रहरीसमक्ष उनले बयानमा भनेका छन् ।

The post ‘वर्ग संघर्षको कुरा चित्त बुझेन जुत्ता हानेँ’ appeared first on Rajdhani Daily News.