आहा–रारा गोल्डकप फुुटबल प्रतियोगिताको उद्घाटन खेलमा आयोजक सहारा क्लब र ब्रिगेड ब्वाइज क्लब भिड्ने भएका छन्।
आयोजक सहारा क्लबले मंगलबार पोखरामा पत्रकार सम्मेलन गर्दै प्रतियोगिताको १८ औं संस्करणको खेल तालिका सार्वजनिक गरेको हो।
प्रतियोगिताको दोस्रो खेलमा एपीएफ र झापा–११ फुटबल क्लब खेल्नेछन्।
प्रतियोगितामा ३ विभागीयसहित १० टोली सहभागी छन्। प्रतियोगिताको गत संस्करणको उपाधि थ्रीस्टार क्लबले उचालेको थियो।
प्रतियोगितामा प्रि–क्वार्टरफाइनलका खेलका लागि १ सय रुपैयाँ टिकट तोकिएको छ।
क्वार्टरफाइनलको १ सय ५०, सेमिफाइनलको २ सय र फाइनल खेलका लागि २ सय ५० रुपैयाँ टिकट दर तोकिएको छ। प्रतियोगिताका सबै खेल हेर्न सिजनल टिकटका रुपमा १५ सय रुपैयाँको टिकट तोकिएको छ।
प्रतियोगितामा नेपाल पुलिस क्लबले ६, मनाङ–मस्र्याङदी र थ्रीस्टारले समान ५ तथा अफ्रिकन युनाइटेड र आयोजक सहारा क्लवले १–१ पटक उपाधि आफ्नो पोल्टामा पारेका छन्।
प्रतियोगिताको उपाधि विजेताले १० लाख १ हजार तथा उपविजेताले ५ लाख १ हजार रुपैयाँ प्राप्त गर्नेछन्।
प्रतियोगिता फागुन २२ देखि चैत्र १ गतेसम्म पोखरा रगंशालामा सञ्चालन हुनेछ।
कमाउन गएको छोरो परदेशमै हराएपछि हराएपछि घरमा आमाको भोक निद्रा हरायो
