नारायणी नदीमा झोलुङ्गे पुल निर्माणले तिव्रता पाएपछि सुस्ताबासी उत्साही

0
24

नवलपुर । भारतीय अतिक्रमणको चपेटमा परेको सुस्ताबासीलाई नेपाली भूमी आउजाउ गर्नका लागि झोलुङ्गे पुल निर्माणले तिव्रता पाएपछि सुस्ताबासी उत्साही भएका छन् ।

सुस्तामा झोलुङ्गे पुल निर्माणका लागि ठेक्का पाएको ३ बर्षसम्म निर्माणको काम खासै अगाडि नबढेको भए पनि अहिले भने युद्धस्तरमा पुल निर्माणको कार्य शुरु भएको छ ।

अहिले झोलुङ्गे पुल निर्माणको क्रममा जमिन मुनिको काम ८० प्रतिशत सकिएको छ । सरकारसँगको पछिल्लो सम्झौता अनुसार त्रिशुली एण्ड आश्रय ऐभी कम्पनीले २०७७ चैत्र २२ गतेसम्म काम सक्ने गरी जिम्मा लिएर निर्माण कार्य पुन शुरु गरेको सुस्ता गाउँपालिकाका अध्यक्ष रामप्रसाद पाण्डेले बताउनुभयो ।

सुस्तामा पुल निर्माणको कार्यले गतिलिएपछि सुस्ताबासी निक्कै उत्साही देखिएका छन् ।

सुस्ताका ६० बर्षीय स्थानीय बासिन्दा बुद्ध खटी भन्छन् – पुल नबन्द निक्कै समस्या भएको छ । नदीमा बाढी आएको बेला भारतको बजार जानु पर्छ भारत जाँदा भारतको एसएसबीले अपहरण गर्नेसम्मको धम्की दिने गर्दछ ।

सुस्तामा झोलुङ्गे पुल नहुँदा सुस्ताबासीहरु नजिकको नेपाली भूमि आउन पनि नारायणी नदीमा डुंगाको साहारा लिनु पर्ने बाध्यता छ भने नदीमा पानीको बहाव बढेको बेला कि त ज्यानको जोखिम मोलेर डुंगामा नदी तर्नु पर्ने बाध्यता छ भने कि त भारतीय बजार जानु पर्ने बाध्यता रहेको छ ।

सुस्ताबाट नेपालका अन्य भूभाग आउंन नारायणी नदीमा डुंगा नै तर्नु पर्ने बाध्यता कि त भारतबाट आउनु पर्ने बाध्यता रहेका सुस्ताबासीलाई बर्षाको समयमा भारतले सीमामा कडाई गरिदिने र नारायणी नदीमा पानीको सहत बढ्दा डुंगा चलाउन पनि समस्या भएर आवतजावतमै समस्या हुने गर्दछ । जसले गर्दा पनि उनीहरुले नेपाली बजारमा र नेपालको अन्य भूभागसंग सहजै जोडिनका लागि नारायणी नदीमा पुल निर्माणको माग गरेका थिए ।

सुस्ता बचाउ अभियानका उपाध्यक्ष एवम् सुस्ता गाउँपालिका ५ का वडा सदस्य आदम खाँले पुल निर्माण भएपछि नेपाली बजारमा आउजाउ गर्न सजह हुनेछ र सँगसँगै सुस्तालाई पर्यटकीय क्षेत्रको रुपमा विकास गर्न सकिने बताए ।

उक्त पुल निर्माणका लागि ठेकेदार कम्पनीले २२ करोड ८० लाखको लागतमा ठेक्का लिएको छ । उक्त झलुङ्गे पुल हुने गरी १ हजार पांच सय ७१ मिटर लम्बाई र १ दशमबल ७ मिटर चौडाईको झलुङ्गे पुल निर्माण हुने छ ।

पुल निर्माण भएसँगै सुस्ता जान आउन सजह हुने छ भने पुल निर्माण भएपछि सुस्तालाई एउटा ऐतिहासिक पर्यटकीय क्षेत्र समेत बनाउने यहाँका स्थानीयको योजना रहेको छ । सुस्ता बचाउ अभियानका प्रवक्ता रविन्द्र जैसवाल भन्छन् – सुस्तामा दैनिक जसो विभिन्न राजनीतिक दलका प्रतिनिधि, विभिन्न संघसंस्थाका प्रतिनिधि, विभिन्न क्षेत्रका सर्वसाधारणहरु सुस्ता हेर्न घुम्न आउँछ । यहाँ राम्रो बासको व्यवस्था गर्न सके यहाँ सुस्तालाई एउटा ऐतिहासिक पर्यटकीय क्षेत्र बनाउन सकिन्छ ।

अहिले सुस्तामा झलुङ्गे पुल निर्माणका लागि जमिन मुनिको काम जग हाल्ने लगायतका भईरहेको छ भने यस लगतै क्याप बनाएर त्यसमाथि पिल्लर हाल्ने, पिल्लरमा फलामका लाठाहरु हाल्ने काम शुरु हुनेछ ।

२०७६ असोजसम्म काम सक्ने गरी २०७४ सालमा पुल निर्माणको लागि टेण्डर भएको भए पनि झण्डै २ बर्ष निर्माण कार्यले गति लिन सकेको थिएन । पछिल्लो समय भएको निर्माणको कामले सुस्ताबासीहरु ठेक्का सम्झौतामा तोकिएकै अवधिका काम सम्पन्न हुनेमा आशावादी देखिएका छन् ।

यहाँ बन्ने पुल निक्कै लामो र ठूलो भएको कारण पनि पुल हेर्नकै लागि पनि पर्यटकहरु आउनेमा सुस्ताबासी आशावादी देखिन्छ ।

पुल निर्माण कार्य सकिन साथ यहाँका बासिन्दालाई सबैभन्दा पहिला जे सामग्री खरिद गर्न पनि भारतीय बजार जाने समस्या टर्ने छ भने नेपाली बजार आउजाउँ गर्न नारायणी नदीमा जोखिम पूर्ण डुंगाको यात्रा हट्ने छ । जसले गर्दा सुस्ताबासीलाई भारतीय सीमा सुरक्षा बल एसएसबीसँग झुकेर सामाना गर्नु पर्ने बाध्यता पनि हट्ने छ ।

The post नारायणी नदीमा झोलुङ्गे पुल निर्माणले तिव्रता पाएपछि सुस्ताबासी उत्साही appeared first on Rajdhani Daily News.

जुबेल र दमाममा राहदानी वितरण हुने सम्बन्धी सुचना ( नामावली सहित )

Previous articleगाँजासम्बन्धी विधेयक प्रदेशसभा सचिवालयमा पनि दर्ता
Next articleप्रधानमन्त्रीको स्वास्थ्य लाभको कामना गर्दै दीप प्रज्वलन