चितवन, साउन १४ — धादिङ त्रिपुरा सुन्दरी गाउँपालिका–०३ मा जन्मिएकी र हाल चितवनको टाडीमा बसोबास गर्दै आएकी ९ वर्षीया बाल गायिका दिलिजा रुवाली अन्तर्राष्ट्रिय गायन रियालिटी शो ‘दि भ्वाईस अफ किड्स सिजन ४’मा उत्कृष्ट प्रदर्शन गर्दै सेमिफाइनल सम्मको यात्रामा पुगेकी छिन्।
सानै उमेरदेखि संगीतमा विशेष रुचि राख्ने दिलिजाले आफ्नो मोहक स्वर, सुमधुर गायन र आत्मविश्वासपूर्ण प्रस्तुतीमार्फत दर्शक र निर्णायक सबैको मन जितेकी छिन्। अन्तर्राष्ट्रिय स्तरको मंचमा यस्तो प्रभावशाली उपस्थिति दिनु नेपाली प्रतिभाको गौरवको विषय बनेको छ।
अहिले दिलिजा फाइनलको धेरै नजिक पुगेकी छिन्। अब उनको यो यात्रा सफल बनाउन देश–विदेशमा रहेका सम्पूर्ण नेपालीहरूबाट निरन्तर भोटिङ समर्थन आवश्यक भएको छ। उनको प्रतिभा, मेहनत र सपना साकार पार्न हामी सबै एकजुट हुनुपर्ने समय आएको छ।
भोट कसरी गर्ने?
👉 मोबाइलमा Khalti App खोल्नुहोस्
👉 “Voting” सेसनमा जानुहोस्
👉 “The Voice of Kids” रोज्नुहोस्
👉 दिलिजा रुवालीको नाम वा फोटो देखिएपछि आवश्यक भोट छनोट गरी पठाउनुहोस्
🔁 दैनिक रूपमा पुनः भोट गर्न सकिने सुविधा रहेकोले हरेक दिनको साथ अत्यन्त महत्वपूर्ण हुन्छ।
दिलिजा अहिले केवल धादिङ वा चितवनकै होइनन् — सम्पूर्ण नेपालीको शान बनिसकेकी छिन्। उनको मधुर स्वर, गहिरो भावनात्मक अभिव्यक्ति र अटुट मेहनतले हजारौं नेपालीको मन छोएको छ।
अबको लक्ष्य — फाइनलमा पुर्याउने, ट्रफीसहित गौरवको शिखर चुमाउने।
उनको सफलतामा हामी सबैको सघन सहयोग अपरिहार्य छ।
