गायक सुमित पाठकको मनमर्जी, पुराना सर्जकको अपमान

काठमान्डाैं । नेपाल आईडल सिजन २ बाट चर्चामा आएका झापाका गायक सुमित पाठकले एक जना पुराना सर्जकको गीत अनुमति बिना स्टेजमा गाउने गरेको र क्रेडिट दिन कन्जुस्ँयाई गरेको पिडितले गुनासो गरेका छन् । पछिल्लो समय पाठकले बिभिन्न स्टेज र कार्यक्रमहरुमा झम्के गुलेली नामको गीत त्यसका सर्जक कमलीकान्त भेटवालको बिना अनुमति गाउने गरेका छन । भेटवालले पूर्वेली न्यूज सँगको कुराकानीका क्रममा पाठकले बिना अनुमति गाँउदा क्रेडिट समेत नदिएको भन्दै गुनासो गरे ।

भेटवालले सामाजिक सञ्जालमा समेत गुनासो पोखेका छन् । उनले लेखेका छन, अहिलेका पिँढिका जल्दाबल्दा गायक हुन सुमित पाठक, मैले रेडियो नेपालमा गाएको झम्के गुलेली गीत उनको पृथक गायन शैलीले झनै सर्वव्यापक भयो । अत्यधिक रुचाईयो पनि । तर आशा छ एउटा असल गायकले मुल सर्जकको नाम लिएर गायन शैली (जुुन लोकभाकाको मर्म हो) ,त्यो बारेमा भाई सुमितले आफ्नो विवेक प्रयोग गरिकन मुल स्वर सङ्कलक को परिचय दिएर अगाडि बढ्नेछन् । यो मेरो सुझाव पनि हो ।

भेटवालले नयाँ पिढिका यस्ता क्रियाकलापले सर्जकको अपमान भएको समेत गुनासो गरे । पाठकले अहिले सम्म आफुलाई एक पटक पनि सो गीतका बारेमा नसोधेको र अनुमति नलिएको बताए । यस बिषयमा पाठकको कुनै प्रतिक्रिया आएको छैन ।

The post गायक सुमित पाठकको मनमर्जी, पुराना सर्जकको अपमान appeared first on Purbeli News.