निराजन घिमिरे- नेपालमा सामाजिक संघसंस्था खोलेर सामाजिक काम गर्ने एउटा लहर जस्तै छ । अझ युवाहरुमा त यो जोश अनि जाँगर धेरै नै हुने भयो । खेलकुद लगायत अन्य गतिविधिमा सामेल हुन युवा क्लब खोलेर जामाजिक कामामा जोडिने परिपाटी छ । हुन त यसरी खोलिएका हजारौ सामाजिक संघसंस्थाहरु अनिकराना नभएर अलपत्र अवस्थामा छन् । समय संगै जोस जाँगरमा कमि आउनु र पुस्ता हस्तानान्तरण नहुनु यसको मुख्य कारण हो । खैर, जे होस् क्लब दर्ता कसरी गर्ने ? के के कागजात चाहिन्छ ? कति खर्च लाग्छ ? भन्ने कुरामा धेरै अन्योलता देखिन्छ । आज यो लेख मार्फत यो अन्योलता चिर्ने कोसिस गरेको छु ।
म आफु पनि चितवनको रत्ननगर नगरपालिका वार्ड नं, १६ मा रहेको भद्रकाली युवा क्लबको अध्यक्ष हुँ । संस्था भर्खरै मात्र गठन गरिएको हो र दर्ता पनि आर्थिक वर्ष २०७७/७८ मा गरिएको हो । त्यसैले आफ्न अनुभव यँहा शेयर गर्दै छु ।
सबैभन्दा पहिला युवा क्लब गठन गर्नको लागी कम्तीमा ५० जनाको भेला बोलाउनुहोस । भेलामा स्थानीय जननिर्वाचित जनप्रतिनिधि उपस्थित हुनु जरुरी छ । जस्तै: वडाध्यक्ष, वडा सदस्य, मेयर, उप-मेयर आदि । जनप्रतिनिधिको अध्यक्षतामा बसेको भेलाले फलानो नामको संस्था गठन गर्ने भनेर निर्णय गर्नुहोस् । सोहि भेलामा एउटा तदर्थ समिति गठन गर्ने / नव गठित संस्थालाई जिल्ला प्रशासन कार्यालमा दर्ता गर्ने निर्णय गर्ने / तदर्थ समितिको २ जनालाई संस्था दर्ताको आवश्यक कामकाज गर्नको लागी अख्तियारी दिएको निर्णय गरेर माईनुट उठाउने ।
त्यसपछि जिल्ला प्रशासन कार्यालयको संस्था दर्ता तथा नबिकरण शाखामा गएर विधानको नमुना र व्यक्तिगत विवरण फारम मागेर ल्याउने । नमुना अनुसार विधान तयार गरेर नमुना ल्याएकै ठाउँमा गएर विधान देखाउने । जिल्ला प्रशासन कार्यालयको संस्था दर्ता तथा नबिकरण शाखाका कर्मचारीले विधान फाइनल गरेपछि त्यसको ३ प्रति बनाउने र प्रत्यक पेजमा तदर्थ समितिका सदस्यहरुले हस्ताक्षर गर्ने । पहिला ३ प्रति बनाएर मात्र हस्ताक्षर गर्नुहोला, एउटामा हस्ताक्षर गरेर फोटोकपि गरेर लागेको मान्य हुने छैन ।
अब वडा कार्यालमा गएर संस्था दर्ताको लागी सिफारिस लिनुस । अघि ल्याएको व्यक्तिगत विवरण भर्नुहोस् । याद गर्नुस तदर्थ समितिका सम्पूर्ण सदस्यहरुको छुट्टा छुट्टै फारम चाहिन्छ ।
https://ujyaalonepalnews.com/?p=15490
