दोहा- नेपाली श्रमिकहरुको आकर्षक गन्तव्य मुलुक साउदी अरबले ९ अवस्थामा आप्रवासी कामदारलाई बिना अग्रिम सूचना बर्खास्त गरेर स्वदेश पठाउन सक्ने भएको छ । साउदी अरबको मानव संशाधन तथा सामाजिक बिकास मन्त्रालयले देहायका ९ अवस्थामा रोजगारदाता कम्पनीले कामदारलाई बिना अग्रिम सूचना, सेवा समाप्तिमा दिइने बोनससमेत नदिएर रोजगारको करारना तत्काल अन्त्य गरी बर्खास्त गर्नसक्ने जनाएको छ ।
- कम्पनीका कसैसंग पनि हातपात (झगडा) गरेमा
- करारनामामा उल्लेखित काम नगरेमा
- रोजगारदाताले दिएको निर्देशन पालना नगरेमा
- कम्पनीको शाख र बिश्वसनियतामा नै आंच पुग्ने कुनै पनि गलत कार्यमा संलग्न भएमा
- कम्पनीको धनमालमा क्षति पुर्याएमा
- रोजगार पाउनका लागि फर्जी कागजात प्रयोग गरेको ठहरेमा, परीक्षण कालमा
- एक करार अवधिमा जम्मा ३० दिन या लगातार १५ दिन ड्युटी नगरेमा
- कम्पनीको पदको दुरूपयोग गर्दै ब्यक्तिगत फाइदा लिएको भेटिएमा
- कम्पनीको औद्योगिक या ब्यापारिक गोपनियता भंग गरेमा
हाल साउदीमा करिव ३ लाख ५० हजारको हाराहारीमा नेपाली श्रमिकहरु कार्यरत रहेको अनुमान गरिएको छ । नेपाल सरकारले साउदीका लागि २ वर्ष करार अवधिको श्रम स्वीकृति प्रदान गर्दै आएको छ । खबर हब बाट
https://ujyaalonepalnews.com/archives/16041
