ईटहरीमा नबिल सजिलो एक्सप्रेस कर्जा सार्वजनिक

0
44

ईटहरी । नबिल बैंकले साना तथा मझौला उद्यम कर्जाको नयाँ प्रस्तुतिका रुपमा नबिल सजिलो एक्सप्रेस कर्जा योजना जारी गरेको छ । बैँकका कार्यकारी प्रमुख अनिलकेशरी शाहले बुधबार सुनसरीको ईटहरीमा कर्जा सम्बन्धी निर्णय प्रकृयालाई गति दिदै जोखिममा आधारित मूल्यांकन सहित कर्जा प्राप्तङ्कका आधारमा यो योजना आरम्भ गरिएको जानकारी गराए । सरल र शीघ्र प्रशोधन सहित अधिकतम १०.५० प्रतिशत ब्याजदरमा यो कर्जा उपलब्ध हुनेछ ।

नबिल सजिलो एक्सप्रेस कर्जा देशका सातै वटा प्रदेशमा लैजाने अभियानका क्रममा, यो कर्जा डिसेम्बर २३, २०१९ मा प्रदेश ३, काठमाण्डौं लगत्तै जनवरी ३१ २०२० प्रदेश नं ५ भैरहवा बाट सुभारम्भ गरिएको थियो । यसै क्रममा उक्त नय“ा एस. एम. ई कर्जा प्रदेश नं. १ को ईटहरीमा सार्बजनिक गरिएको हो । योजनाको शुभारम्भ अवसरमा नबिल बैंकका प्रमुख कार्यकारी अधिकृत अनिल शाहले नबिल सजिलो एक्सप्रेस कर्जा देशका विभिन्न क्षेत्रमा रहेका साना तथा मझौला व्यवसायीहरुको अवश्यकताहरुलाई सम्बोधन गर्ने उद्धेश्यले ल्याइएको बताए ।

कर्जा प्रशोधन प्रकृयालाई छिटोछरितो, सहज र सरल बनाउने दिशामा नबिल सजिलो एक्सप्रेस कर्जा जस्ता रचनात्मक योजनाहरु अघि सार्दै साना तथा मझौला उद्यमका ग्राहकको पहिलो रोजाइ बन्नेछौं ।” उनले भने । कार्यक्रममा उद्योग बाणिज्य संघ ईटहरीका अध्यक्ष भीमबहादुर पौडेलले बैँकहरु सर्बसाधारणको पहुँचमा पुग्नुपर्ने बताए । कार्यक्रममा सहभागीहरुले राखेका जिज्ञासाको बैँकका अधिकृत शाहले जवाफ समेत दिएका थिए ।

साना तथा मझौला उद्यमको विकासका निम्ति नबिल बैंक र UKaid Sakchyam Access to Finance मिलेर सहकार्य गरिरहेका छन् । यसैको परिणामस्वरुप नबिल सजिलो कर्जा र नबिल नारी कर्जा योजना ल्याइएको हो ।

यी साना तथा मझौला कर्जा योजनाको सफलतापछि नबिल बैंकले नबिल सजिलो कर्जाकै स्तरोन्नतिका रुपमा नबिल सजिलो एक्सप्रेस कर्जा योजना सार्वजनिक गरेको छ । Credit Scoring विधिको प्रयोग गर्दै कर्जा स्वीकृत गर्ने तथा ब्याज दर तोक्ने नबिल बैंक पहिलो बैंक बन्न पुगेको छ । यसबाट साना तथा मझौला उद्यमका ग्राहकका लागि रु. ७५ लाखसम्मको कर्जा प्रतिष्पर्धी ब्याजदरमा उपलब्ध गराइनेछ । ऋणीको कर्जा आवेदनमा शीघ्र निर्णय लिदै आवेदन प्राप्त भएको ३५ घण्टाभित्र स्वीकृति प्रदान गर्ने उद्देश्यले यो योजना जारी गरिएको हो ।

The post ईटहरीमा नबिल सजिलो एक्सप्रेस कर्जा सार्वजनिक appeared first on Purbeli News.

नेपाल राष्ट्रिय उद्योग व्यवसाय महासङ्घको महाधिवेशन शुरु

Previous articleटर्कीमा हिम पहिरो जाँदा २३ जनाको मृत्यु
Next articleजब राष्ट्रपति ट्रम्पको भाषणको प्रति सभामुखले रोष्ट्रममा नै च्यातिदिइन्…