Home चितवन सेरोफेरो साैराहा फुड फेष्टिबलमा नृत्य प्रतियाेगिता : एन्जर्ल्स वर्ल्ड प्रथम 

साैराहा फुड फेष्टिबलमा नृत्य प्रतियाेगिता : एन्जर्ल्स वर्ल्ड प्रथम 

0
22

रत्ननगर । साैराहामा जारी फुड फेष्टिबल अन्तर्गत साेमबार विद्यालय स्तरीय नृत्य प्रतियाेगिता गरिएकाे छ । फेष्टिबलकाे आयाेजक संस्था रेवान साैराहाले विद्यार्थीहरुमा अन्तरनिहीत क्षमताकाे पहिचानकाे लागि नृत्य प्रतियाेगिता गरिएकाे रेवान साैराहाका अध्यक्ष ध्रुव गिरीले बताए ।

प्रतियाेगितमा एन्जर्ल्स वर्ल्ड आमावि प्रथम,शिक्षा विकास बाेडिङ स्कुल द्धितीय र हिमालयन ईङ्लिस बाेडिङ स्कुल तृतीय भएका थिए । प्रतियाेगितामा १२ वटा विद्यालयकाे सहभागिता रहेकाे थियाे ।

प्रतियाेगिताकाे निर्णायकमा माला दाहाल, सुनिल रिमाल र सविना तामाङ रहेका थिए । प्रतियाेगितामा प्रथम, द्धितीय र तृतीय भएका विद्यालयका टिमलाई रेवानका अध्यक्ष ध्रुव गिरी, कार्यक्रम संयाेजक सुर्यबहादुर रिमालले पुरस्कार वितरण गरेका थिए ।

प्रणय दिबसकाे अबसरमा रेवान साैराहाले १८ औं संस्करणकाे फुड फेष्टिवल गरिएकाे हाे । सौराहा सहित चितवनको पर्यटन विकासको लागि प्रणय दिबसको अबसर पारेर फेस्टिबल आयोजना गरिएकाे गिरीले बताए ।

खाना, संगित र संस्कृतिलाई संगसंगै अगाडि बढाएर फेस्टिवललाई विशेष बनाइएको छ । सौराहाको पर्यटनलाई पुरानै अवस्थामा फर्काउने गरि फेस्टिवलका गतिविधिलाई अगाडि बढाइएको छ ।

समग्र सौराहाको पर्यटन विकास गर्ने, विभिन्न जातजातीका परम्परागत तथा स्थानीय, स्वदेशी, विदेशी खानाको प्रवर्द्धन गर्ने, स्थानीय कलासँस्कृति, भेषभुषाको जगेर्ना गर्दै पर्यटकीय गन्तव्यको रुपमा सौराहालाई राष्ट्रिय तथा अन्तराष्ट्रिय स्तरमा पहिचान गराउने, उज्यालो सौराहालाई निरन्तरता दिइने, प्रवेश टिकटबाट भएको आम्दानीले सौराहा पर्यटन मार्ग सौन्दर्यकरण गर्ने उद्देश्यले फेस्टिबल आयोजना गरिएको रेवानका महासचिव नविन नेपालले जानकारी दिए ।