बझाङ । बझाङ जिल्लाको खप्तडछान्ना गाउँपालिकाको लामाखेतमा जीप दुर्घटना हुँदा गाँउपालिकाकी उपाध्यक्ष पाउसरा थापा सहित ९ जना घाईते भएका छन् ।
बिहान ११ बजे महेश्वरी मावितर्फ जाँदै गरेको ०१००१ ज १२२० नम्बरको जीप पल्टिँदा दुई जना गम्भिर घाइते भएको प्रहरी चौकी छान्नाका ईन्चार्ज भुवन सिंह बोहराले बताए । अन्यको अवस्था सामान्य रहेपनि नरेन्द्र उपाध्याय र सुमन विक भने गम्भीर घाइते भएका छन् ।
जीपमा झण्डै १२।१३ जना सवार रहेका र जसमा अधिकांस विद्यार्थी रहेको बोहराको भनाई छ । गाउँपालिकाकी उपाध्यक्षको अवस्था भने समान्य रहेको बताइएको छ । घाइते सबै जनाको उपचारका लागि जिल्ला अस्पताल पठाइएको खप्तड छान्ना गाउँपालिकाका प्रबत्ता राम बहादुर सिंहले बताए ।
खप्तडछान्ना गाउँपालिकाको महेश्वरी माविमा आजदेखि सुरु हुन लागेको राष्ट्रपति रनिङसिल्ड तथा अध्यक्ष कपको उद्घाटन समारोहमा सहभागी हुनका लागि जाने क्रममा उपाध्यक्षसहित अभिभावक र विद्यार्थीहरु घाइते भएको गाउँपालिकाका प्रबत्ता सिंहले जानकारी दिए ।
The post बझाङमा जीप दुर्घटना, गाउँपालिका उपाध्यक्षसहित ९ जना घाइते appeared first on Rajdhani Daily News.
