चितवन, कार्तिक २१ । रत्ननगर नगरपालिका–७ चराचोकस्थित भित्री सडक खण्डमा अटोबाट खसेर एक महिला घाइते भएकी छन्।
भरतपुरबाट सौराहा तर्फ जाँदै गरेको बा.प्र.०३–००१ ह १३७९ नम्बरको अटोबाट तनहुँ भानु नगरपालिका–२ निवासी करिब २५/२६ वर्षीया सुनिता नेपाली लड्दा टाउकोमा चोट लागेर घाइते भएकी हुन्। उनी हाल भरतपुरस्थित नयाँ मेडिकल कलेजमा उपचाररत छिन्।
अटोका चालक चितवन भरतपुर नगरपालिका–११ निवासी ४६ वर्षीया प्रकाश ढुङ्गानालाई प्रहरीले नियन्त्रणमा लिएको जिल्ला प्रहरी कार्यालय चितवनले जनाएको छ। दुर्घटना हिजो विहिवार बिहान करिब साढे सात बजे भएको हो।
