परिणाम देखिनेगरि काम गर्न मन्त्री जसमायालाई अधिकारकर्मीको आग्रह

0
18

विराटनगर ,२१ माघ । एक नम्बर प्रदेशकी समाजिक बिकास राज्य मन्त्री जसमाया गजमेरलाई परिणाम देखिनेगरि काम गर्न अधिकारकर्मीहरुले आग्रह गरेका छन ।
मंगलबार रिेडेफ नेपालले विराटनगरमा आयोजना गरेको बधाई ज्ञापन कार्यक्रममा एक नम्बर प्रदेशको समाजिक विकास राज्य मन्त्री जसमाया गजमेरलाई परिणाम देखिनेगरि काम गर्न अधिकारकर्मीहरुले आग्रह गरेका हुन ।
दलित समुदायबाट मन्त्री बन्न सफल जसमायालाई बधाई दिँदै मानव अधिकार सञ्जाल एक नम्बर प्रदेश अध्यक्ष डिकप्रसाद घिमिरेले परिणामुखी काम गर्नसकेमात्र मन्त्रीहरु आम जनताको माझमा बस्न सफल हुने बताए ।
उनले प्रदेश सरकारलाई पछाडी पारेको बर्ग समुदायलाई उकास्ने नीति कार्यक्रम निर्माण गराउने जिम्मा मन्त्री गजमेरले लिनुपर्छ भने ।
बराह ज्वेलरी धरानका संचालक मानबहादुर दियालीले प्रदेश तह मध्ये एक नम्बर प्रदेशमा पहिलो दलित समुदायबाट मन्त्री नियुक्त्त गरेकोमा प्रदेश सरकारलाई धन्यवाद दिए । उनले मन्त्री जसमायालाई सफल बनाउन आफुहरुले सक्दो प्रयास गर्ने बचन दिए ।

एक नम्बर प्रदेश सभा समाजबादी पार्टीका संसदिय दलका नेता जयराम यादबले पछाडी पारिएको समुदायबाट मन्त्री हुँदा सिँगो समुदायको आत्मसम्मान बढेको महशुस हुनेभएकोले व्यक्त्तिगत स्वार्थमा हैन समुदायगत भलााइकालागि काम गर्न आग्रह गरे ।
रिडेफ नेपालका अध्यक्ष उमेश विश्वकर्माले दलित समुदायबाट महिला मन्त्री हुनु आफैमा चुनौतीपुर्ण भएपनि अब लक्षित बर्गकालागि समाजिक बिकासकालागि बजेट बिनियोजन गराउने जिम्मेवारी मन्त्री जसमायाको भएको बताए ।
उनले प्रदेशलाई सबैखाले बिभेद मुक्त्त बनाउने भूमिका खेल्न सक्ने बिभागिय जिम्मेवारी प्राप्त भएकोले काम गरेर देखाउने अवसरलाई नगुमाउन आग्रह गरे ।
मन्त्री जसमायालाई मानव अधिकारकर्मी सोमराज थापा , अधिकारकर्मीहरु मन्जिता उपाध्याय , बिष्णु शर्मा , शान्ति गजमेर , प्रकाश परियार , पत्रकार पिवी दियाली , प्राध्यापक रवि रोका अधिबक्त्ता जयराम सुन्दास लगायतले दलित समुदायबाट प्रदेश तहमा पहिलो मन्त्री बन्न सफल भएकोमा खादा लगाएर बधाई दिएका थिए ।
५ माघमा जसमाया गजमेर एक नम्बर प्रदेश सरकारको समाजिक बिकास राज्य मन्त्रीमा नियुक्त्त भएकी थिइन ।
मन्त्री जसमायाले भनिन ,– भ्रष्टचार गर्दिन , सधै समुदायको हितमा काम गर्नैछु
बधाई ग्रहण गर्दै राज्य मन्त्री जसमायाले आफु पदमा बसुन्जेल भ्रष्टचारमा मुछिएर समुदायको शिर निहुरिन नदिने र सधै सामुहिक हितमा मात्र काम गर्ने प्रतिबद्धता जनाइन ।
भनिन , – ‘मैले भोगेको जातिय बिभेद र उत्पिडन विर्सिएकी छैन यसैले व्यक्त्तिगत हैन सधै समुदायको हितमा काम गर्नेछु ।,’

The post परिणाम देखिनेगरि काम गर्न मन्त्री जसमायालाई अधिकारकर्मीको आग्रह appeared first on Koshi Online.

चीनिया विदेशमन्त्री आज पनि राजनीतिक भेटवार्तामा

Previous articleनोबल कोरोना भाइरसः कुन देशमा कति संक्रमति?
Next articleकोरोना भाइरसबाट संक्रमित महिलाले जन्माइन् स्वस्थ शिशु