काठमाडौँ – एमालेले मध्यरातमै पुष्पकमल दाहाल प्रचण्ड नेतृत्वको सरकारलाई दिएको समर्थन फिर्ताको पत्र राष्ट्रपति कार्यालयमा दर्ता गराएको छ।

संसदका दुई ठूला दल कांग्रेस र एमाले मिलेर सत्ता सहयात्रा गर्ने सात बुँदे समझदारीमा हस्ताक्षर भएसँगै एमालेले राति नै राष्ट्रपति कार्यालय शितल निवासमा समर्थन फिर्ताको जनाउ दिएको हो।

समर्थन फिर्ताको पत्र दर्ता गराउन एमाले महासचिव शंखर पोखरेल र कांग्रेसका प्रमुख सचेतक रमेश लेखकसहित नेताहरु शितल निवास पुगेको स्रोतको दाबी छ।

पुस २१ गते दाहालले कांग्रेससँगको सहकार्य तोडेर एमालेसँग फेरि गठबन्धन गरेपछि एमालेले संसदमा प्रधानमन्त्री दाहालको पक्षमा मतदान गरेको थियो।

दुई ठूला दलबीच पहिलो चरणमा एमाले अध्यक्ष केपी शर्मा ओली प्रधानमन्त्री हुने र दोस्रो चरणमा चुनावी सरकारको नेतृत्वमा कांग्रेस सभापतिले गर्ने समझदारी भएको छ। जसमा एमालेले अर्थसहित ९ वटा र कांग्रेसले गृहसहित १० वटा मन्त्रालय लिनेछ।

प्रतिनिधिसभामा एमालेका ७८ र कांग्रेसका ८८ सांसद छन्।

नेताहरुले संविधानको धारा ७६(२) अनुसार सरकार गठनको आह्वान गर्न राष्ट्रपतिसँगै रामचन्द्र पौडेलसँग परामर्श पनि गरेका छन्। दाहाल नेतृत्वको सरकार विस्तापित भएपछि धारा ७६ (२)अनुसारको सरकार गठनका लागि आह्वान हुने भएको छ।

भरतपुर १५ असार ! ” मानो रोपि मुरि फलाउने” दिनको अवसरमा समाजका प्रबुद्ध र नागरिक अगुवाहरू, त्यस्तै खाले सास्कृतिक र पर्वगत विशेषता बोकेको ” “दहि च्युरा” खाने दिनको तयारीमा रहदै गर्दा एकै एकै उमेर समुहका स साना लामबद्द बालबालिकाहरू आइपुग्दा वार्ड अध्यक्ष श्री कृष्ण पौडेल वरपर कौतुहलमय हिसाबले हेर्दै केही बुझन खोज्दै हुनुहुन्थ्यो यस्तै भाव हातमा दहि चिउरा को प्लेट लिएर बसिसकेका अन्य सहभागी हरूमा पनि देखिएको थियो।

अन्ततः बालबालिकाहरूको गरेर सिक्ने परियोजना सिकाइ अन्तरगत विद्यार्थीहरूको आगमन भएको स्काउट ट्रुप को नेतृत्व गरि आउनु भएका शिक्षक मिलन पनेरूले प्रमुख वार्ड अध्यक्ष पौडेल लाई बताएपछी उहाँको स्वागतसङै विद्यार्थीहरू केही खेत को छेउछाउमै र केही खेत भित्र पसे।

दृश्य थियोे भरतपुर महानगर पालिका वार्ड न १५ स्थित फुलबारी को, प्रसङ्ग थियोे राष्ट्रिय धान दिवस २०८१ को कार्यक्रम समारोह को, जसमा सहभागी हुन आएका थिए स्काउट सम्बन्ध अर्किड मा वि भरतपुर १० का विद्यार्थीहरू।

राष्ट्रिय धान दिवस र यस सम्बन्धित र यस वर्षको” जलबायु मैत्री कृषि , धान उत्पादनमा वृद्धि ” नारा र यो दिन को गाम्भिर्यता लाई बुझाउन नेपालमा यसको सम्भावना ,किसानहरुको मिहेनत को स्थल गत अनुभव , खेतमा परिश्रम गर्ने समुहमा हुने समुहकार्य र समन्वय, थकाइ र कामको बोझ कम गर्न गाइने गीत, हिलो र यसमा हुने खेल को प्रत्यक्ष अनुभव संग साक्षत्कार गराउदै लाने वार्षिक शृङ्खलाबद्द कार्यक्रम को यो वर्षको संस्करण आज गरिएको शिक्षिका कविता पौडेलले बताउनु भयो ।

विद्यार्थीहरुको जान्ने बुझ्ने शैलिमा देखिएको उत्साहपन लाई यथोचित सहयोग गर्न स्वस्फूर्त मन लागेको स्थानीय विकलबाबू खनाले बताउनु भयो। कार्यक्रममा स्थानीय सङ मिलेर धान रोप्ने, बीउ काढ्ने र ओसार्ने देखि आगन्तुक अन्य समूह संग मिलेर समुहगत खेलहरूमा पनि अर्किड का विद्यार्थीहरूले सहभागिता जनाएका थिए।

कार्यक्रमलाई थप आकर्षणमय बनाउन विद्यार्थीहरूमा प्रतिस्पर्धात्मक हिले दौड प्रतियोगिता पनि गरिएको थियो । कार्यक्रमको विच र अन्त्य मा सहभागी विद्यार्थीहरूलाइ स्थानीयद्वारा असार पन्ध्रको पर्व स्वरूप स्थानीय रूपमै तयारी गरिएको दहि च्युरा दिइएको थियो ।

काठमाडौँ — नक्कली भुटानी शरणार्थी प्रकरणका अभियुक्त प्रतीक थापा पक्राउ परेका छन् ।

निमित्त प्रहरी महानिरीक्षक (एआईजी) दीपक थापाका अनुसार प्रतीक शुक्रबार बौद्धबाट पक्राउ परेका हुन् ।

प्रतीक पूर्वगृहमन्त्री एवं नेकपा एमालेका उपाध्यक्ष रामबहादुर थापाका छोरा हुन्

खैरहनी । पूर्वी चितवन खैरहनी नगरपालिका-८ पर्सामा स्थित डेजी स्कुलका दुई विद्यार्थीले ४ जिपिए ल्याएका छन । डेजी स्कुलबाट एसईई परीक्षामा सहभागी भएका सुगम गौतम र आर्यन अधिकारीले ४ जिपिए ल्याएका हुन ।

खैरहनीको सहभागी विद्यालयहरुमध्ये एक मात्रै विद्यालय डेजी स्कुलले ४ जिपिए ल्याएको हो ।

विद्यार्थीको ४ जिपिएसंगै अन्य विद्यार्थीले पनि उत्कृष्ट नतिजा हासिल गरेको स्कुलका प्रिन्सिपल प्रेम रिमालले बताउनुभयो । उहाँका अनुसार स्कुलका १७ जना विद्यार्थीले ३.६ जिपिए भन्दा माथि अंक ल्याएका छन । यसबर्ष डेजी स्कुलका ११४ जना विद्यार्थी एसईई परीक्षामा सहभागि भएका थिए ।

खैरहनी नगरपालिकाबाट ६ सामुदायिक विद्यालय र ११ संस्थागत विद्यालय एसइइ परिक्षामा सहभागी भएका थिए । सामुदायिक विद्यालयहरुबाट ९८ जना एसईई परीक्षामा सहभागि विद्यार्थी रहेको खैरहनी मा. विबाट ३ जना विद्यार्थीले ३.६ जिपिए भन्दा माथि अंक ल्याउने एक मात्रै सामुदायिक विद्यालय रहेको छ ।

सामुदायिक विद्यालय तर्फ मा.वि गवै खैरहनीकै सबैभन्दा धेरै विद्यार्थी उत्तीर्ण गराउन सफल विद्यालय बन्न सफल भएको छ ।

संस्थागत विद्यालय तर्फ ग्लोसाइन एकेडेमीबाट ७३ जना सहभागी विद्यार्थी मध्ये ३.६ जिपिए भन्दा माथि अंक ल्याएका ५ जना, त्यस्तै क्रमशः

सैनिक आवासीय महाविद्यालयबाट ११७ जना सहभागी विद्यार्थी मध्ये ३.६ जिपिए भन्दा माथि अंक ल्याएका ३६ जना रहेका छन् ।

त्यसैगरी  नेपाल आदर्श शिक्षा सदनबाट ७६ जना सहभागी विद्यार्थी मध्ये ३.६ जिपिए भन्दा माथि अंक ल्याएका ७ जना, इन्टरनेशनल इ. मोडल स्कुल बाट ३५ जना सहभागी विद्यार्थी मध्ये ३.६ जिपिए भन्दा माथि अंक ल्याएका ४ जना, मेरिगोल्ड इ. बो. स्कुलबाट ३० जना सहभागी विद्यार्थी मध्ये ३.६ जिपिए भन्दा माथि अंक ल्याएका १० जना, मोर्डन इ .बो. स्कुलबाट ४२ जना सहभागी विद्यार्थी मध्ये ३.६ जिपिए भन्दा माथि अंक ल्याएका ४ जना रहेका छन् ।

एसईईमा ओसियन एकेडेमीबाट २० जना सहभागी विद्यार्थी मध्ये ३.६ जिपिए भन्दा माथि अंक ल्याएका २ जना, मदरल्याड इ .बो. स्कुलबाट २९ जना सहभागी विद्यार्थी मध्ये ३.६ जिपिए भन्दा माथि अंक ल्याएका २ जना ,लिटिल हेभन इ .बो. स्कुल र ज्ञानसुधा इ .बो. स्कुलबाट ३.६ जिपिए भन्दा माथि अंक ल्याएका कुनै विद्यार्थी छैनन् ।

काठमाडौँ-राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा आजै सार्वजनिक गर्ने तयारी गरेको छ ।

कक्षा १० का परीक्षा नियन्त्रक नन्दलाल पौडेलले कुनै प्राविधिक समस्या नआएमा आज अपराह्नसम्म नतिजा सार्वजनिक गर्ने तयारी भइरहेको जानकारी दिए ।

यस वर्ष एसईईको नतिजा सैद्धान्तिक र प्रयोगात्मक फरक गरी सार्वजनिक गरिने जनाइएको छ । विद्यार्थीले सैद्धान्तिकतर्फ ७५ अङ्कको परीक्षामा ३५ प्रतिशत अर्थात् २७ अङ्क नल्याउनेलाई एनजी उल्लेख गरिने छ ।

गत चैत १५ गतेदेखि सुरु भएको एसएईईमा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी थिए ।

एसइईको नतिजा यसरी हेर्न सकिन्छ ।

उज्यालो नेपाल। चितवनको रत्ननगर नगरपालिका वडा नं. १६ मा वातावरणमैत्री वडा घोषणाको लागी अन्तरक्रिया तथा सामाग्री वितरण कार्यक्रम गरिएको छ।

वडा कार्यालयको सहयोगमा पिठुवा सामुदायिक सिकाई केन्द्रले कार्यक्रम आयोजना गरेको हो। कार्यक्रममा १३ वटा टोलबाट झण्डै १२० जनाको सहभागिता रहेको थियो।

कार्यक्रममा हरेक टोललाई वातावरणमैत्री वडा घोषणाको लागी पुरा गर्नुपर्ने सूचकहरु उल्लेख गरिएको होडिङ बोर्ड र डस्टविन वितरण गरिएको केन्द्रका कोषाध्यक्ष विजय खनालले जानकारी दिए।

नगरपालिकाका शिक्षा शाखा प्रमुख नारायणप्रसाद वाग्लेको प्रमुख आतिथ्यमा भएको कार्यक्रममा कार्यबाहक वडाध्यक्ष ज्ञानेन्द्र रेग्मी, वडा सदस्यहरू चिजकुमार श्रेष्ठ, सरिता गुरुङ, रिता वि. क, वडा सचिव मञ्जु पौडेल लगायतको उपस्थिती रहेको थियो।

कार्यक्रमका प्रमुख अतिथि वाग्लेले स्वस्थ जीवनको लागि स्वच्छ वातावरण आवश्यक रहेको बताउँदै वडा कार्यालय र सिकाई केन्द्रको वातावरण मैत्री घोषणा अभियानको मुक्त कण्ठले प्रशंसा गरे।

कार्यक्रमलाई सम्बोधन गर्दै कार्यवाहक वडाध्यक्ष ज्ञानेन्द्र रेग्मीले वडा कार्यालय र सिकाईकेन्द्रको प्रयासले मात्र वातावरण मैत्री घोषणा सम्भव नभएको उल्लेख गर्दै सम्पूर्ण वडाबासी एक भएर लाग्नुपर्ने आवश्यकता औँल्याए।

केन्द्रका अध्यक्ष तथा कार्यक्रमका सभापति नेत्र घिमिरेले दूषित वातावरणकै कारण अनेक रोगाव्यादि लागेर अकालमा ज्यान गुमाउनुपर्ने घटना बढ्दै गएको सन्दर्भमा वडा कार्यालयसँगको सहकार्यमा यस्ता कार्यक्रमलाई निरन्तरता दिइने प्रतिबद्धता व्यक्त गरे।

केन्द्रकी सचिव सर्मिला लामिछानेले सञ्चालन गरेको कार्यक्रममा उपाध्यक्ष कल्पना घिमिरेले स्वागत मन्तव्य व्यक्त गरेकी थिइन्।

वडालाई वातावरणमैत्री वडा घोषणाको लागी गतसाल देखिनै विभिन्न संघसंस्थासँगको सहकार्यमा विविध कार्यक्रम सञ्चालन हुँदै आएको छ।

युवा समाज नेपाल भरतपुरसँगको सहकार्यमा गएको वर्ष प्रत्येक टोलटोलमा समिति गठन तथा सचेतना कार्यक्रम आयोजना गरिएको थियो।

कालिका, ६ असार । नगरपालिकाको बजार क्षेत्रमा अनुमती विना राखिएको होडिङबोर्ड कालिका नगरपालिकाले हटाउन सुरु गरेको छ ।

कालिका नगरपालिकाको स्वीकृति लिई वा निलिई विभिन्न प्रकारका सूचना एवं जानकारीमूलक होडिङ्गबोर्डहरु विजुलीको खम्बहरु, महत्पूर्ण सार्वजनिक स्थलहरु, लगायतका स्थानमा राख्ने र सयम समाप्त भएपनि उक्त बोर्डहरु नहटाउँदा नगरको सुन्दरतामा असर पुगेको गुनासो बढेपछि नगरप्रहरी परिचालन गरेर कालिकाले होडिगबोर्डहरु हटाउन थालेको हो ।

यस अघिपनि पालिकाले सम्बन्धित व्यक्ति वा संस्थाहरुलाई आफ्नो होडिङ्ग बोर्डहरु हटाउन समय दिएको थियो । सातदिने समय अवधि सकिएपनि सम्बन्धितव्यक्ति वा संस्थाका प्रतिनिधिहरुले आफ्नो बोर्डहरु हटाउन पहल नगरेपछि नगरपालिका आफैले हटाउन थालेको नगर प्रमुख विनोद रेग्मीले जानकारी दिनुभयो ।

आज क्लब चोक बजार क्षेत्रका होडिङ्ग बोर्ड हटाइएको छ । विस्तारै नगरक्षेत्रभित्रका सबै ठाउँमा पुग्नेछ प्रमुख प्रशासकिय अधिकृत चुडामणी शर्मा गौतमले जानकारी दिनुभयो ।

बजार क्षेत्रका होडिङ्गबोर्ड हटाएर हरियाली बनाउन बृक्षारोपण गरिने र पोलपोलमा विजुली वत्ती जडान गरेर शुन्दर बनाउने नगरपालिकाको योजना रहेको उहाँले सुनाउनुभयो ।

६ असार, चितवन । श्री एयरलाइन्सको काठमाडौं–भरतपुर परीक्षण उडान सफल भएको छ । आज बिहान काठमाडौंबाट भरतपुर उडान भएको हो ।

उपप्रधान तथा गृहमन्त्री रवि लामिछाने र पर्यटनमन्त्री हितबहादुर तामाङसहित प्राविधिकहरू लिएर काठमाण्डौंबाट भरतपुर आएको विमान छोटो रनवे भएको भरतपुर विमानस्थलमा सफलतापूर्वक अवतरण गरेको श्री एयरलाइन्सका प्रवन्ध निर्देशक सुधिर मितलले जानकारी दिए ।

उनका अनुसार उडान परीक्षणका क्रममा कुनै समस्या भएन । विमानस्थलको पूर्वतर्फ बनेका घर र ती घरमाथि बनेका संरचनाले विमानस्थल जोखिमपूर्ण छ ।

नेपाल नागरिक उड्ययन प्राधिकरणले अनुमति दिएपछि नियमित उडान भर्ने तयारीमा श्री एयरलाइन्स रहेको छ ।

उडानको अनुमति प्रक्रिया पूरा गर्न भने केही समय लाग्ने श्रीका प्रवन्ध निर्देशक मितलले बताए ।

अहिले काठमाण्डौं भरतपुर र पोखरा भरतपुर बुद्ध एयरको ४२ सिटे जहाजले मात्रै उडान गर्दै आएको छ ।

केही वर्ष अगाडि यति एयरलाइन्सको विमान भरतपुर आउने गरे पनि अहिले भने उडान रोकिएका छन् ।

८० सिट क्षमता श्री एयरलान्इन्सको विमान भरतपुर आउन थालेपछि भाडा पनि घटाउने योजना रहेको प्रवन्ध निर्देशक मितलले बताए ।

अहिले बुद्धले भरतपुर–काठमाडौँको एकतर्फी भाडा चार हजार ८०० भन्दा बढी लिने गरेको छ ।

भरतपुर विमानस्थलको नयाँ टर्मिनल भवन बन्दैछ । विमानस्थल विस्तारको काम पनि अगाडि बढ्दैछ ।

गृहमन्त्री लामिछाने, पर्यटनमन्त्री तामाङ र भरतपुर महानगरपालिका प्रमुख रेनु दाहाललगायतले निर्माणाधीन टर्मिनल भवनको पनि निरीक्षण गरेका छन् ।

भरतपुर महानगर प्रमुख दाहालले ८० सिटे जहाजको सफल परीक्षणसँगै महानगरवासीको एउटा सपना साकार भएको बताइन् ।

पर्यटनमन्त्री तामाङले एक वर्षभित्रै रनवे विस्तारको काम सुरु हुने बताए । गृहमन्त्री लामिछानेले विमानस्थल विस्तारमा आफूले सक्दो सहयोग गर्ने बताए ।

भरतपुरमा ८० सिटे जहाज आउने भए पनि विमानस्थल विस्तार नभई रात्रिकालीन उडान भने गर्न सकिंदैन ।

विमानस्थलभन्दा पश्चिमतर्फ रहेको नेपाली सेनाको घोडा प्रजनन् केन्द्रको जग्गामा विमानस्थल विस्तार गरेर रनवे १६ सय मिटर बनाउने लक्ष्य राखिएको छ ।

रत्ननगर । नेपाल रेडक्रस सोसाइटी उपशाखा बछौलीको आयोजना तथा रत्ननगर–५ को सहयोगमा दुई दिने मानसिक स्वास्थ्य, आत्महत्या रोकथाम तथा मनोसामाजिक सचेतना कार्यक्रम झुवानी सामुदायिक पुस्तकालयको सभाहलमा सुरु भएको छ ।

कार्यक्रमका प्रमुख अतिथि रत्ननगर–५ का वडाध्यक्ष बालकृष्ण चापागाईले मनोसामाजिक सचेतना कार्यक्रमहरू वडाका सबै जनसमुदायसम्म लैजान आवश्यक रहेकाले कार्यक्रमको आयोजना गरिएको बताए ।

उनले पछिल्लो समय मानिसहरू डिप्रेसनमा पर्ने, झैझगडा गर्ने , पारिवारिक कलहमा फस्ने गरेको र आत्महत्यासम्म पुग्ने गरेको बताउँदै यस प्रकारका कार्यक्रमले यस्ता घटनाहरु रोक्नमा सहयोग पुग्ने वताए ।

यस्तै नेपाल रेडक्रस सोसाइटी चितवन शाखाका मन्त्री राममणि खनालले जिल्लाका सवै वडा तह सम्म पुगेर रेडक्रस चितवनले मनोसामाजिक सचेतना कार्यक्रम सञ्चालन गरेको वताए । उनले मानिसहरूमा बढ्दै गएको मानसिक समस्याका बारेमा बुझ्न रेडक्रसले गरेको यो प्रयासले समुदायमा सहयोग पुग्ने विश्वास व्यक्त गरे ।

दुई दिने सञ्चालन हुने मनोसामाजिक सचेतनामा प्रशिक्षक रुद्र अधिकारी र सारदा शर्माले सहभागीहरुलाई प्रशिक्षण दिनु भएको छ । समाजमा मानिसहरू विभिन्न प्रकारका मानसिक रोगका समस्या बोकेर बसेको हुने बताउँदै उनीहरूका समस्याका बारेमा समयमै पहिचान र समाधानको उपाय खोजिए धेरैको ज्यान गुमाउनबाट बचाउन सकिने प्रशिक्षक अधिकारीले वताए ।

उपशाखा बछौलीका सचिव मनोज चौधरीले सञ्चालन गरेको कार्यक्रममा शाखाका अध्यक्ष सुवास बिडारीको अध्यक्षतामा सम्पन्न भएको थियो । कार्यक्रममा सदस्य सरस्वती चालिसेले कार्यक्रमको औचित्यबारे प्रष्ट पारेकी थिइन् । तालिममा छाठी जनाको सहभागिता रहेको छ ।

काठमाडौं । प्रतिनिधि सभा भवन नयाँबानेश्वरमा एक सुरक्षाकर्मी मृत भेटिएका छन् । गोली लागेको अवस्थामा उनी मृत फेला परेका हुन् ।

स्रोतका अनुसार उनी आफैंले आफैंलाई गोली हानेका हुन् । संसद सचिवालयका प्रवक्ता एकराम गिरीले पनि उनले गोली हानेर आत्महत्या गरेको बताए ।

प्रहरी विशेष कार्यदलबाट संसद् भवनको सुरक्षार्थ अजित गोले गोली लागेको अवस्थामा शौचालयमा मृत फेला परेका हुन् । उनको मृत्युको कारणबारे थाहा भइसकेको छैन । यद्यपि, संसद सचिवालयका प्रवक्ता एकराम गिरीले उनले गोली हानेर आत्महत्या गरेको बताएका छन् ।