विभागीय डर्वीमा नेपाल पुलिस क्लवलाई पराजित गर्दै त्रिभुवन आर्मी सहिद स्मारक ए डिभिजन लिगको शीर्ष स्थानमा फर्किएको छ। दशरथ रगंशालामा आइतबार भएको खेलमा पुलिस क्लबलाई ४–२ गोल अन्तरले पाखा लगाउँदै आर्मी शीर्ष स्थानमा पुगेको हो।
१० खेमा ७ मा जित २ मा बराबरी र १ खेल गुमाएको आर्मीको २३ अंक छ। ७ खेलमा जित २ मा बराबरी र १ मा पराजित भएको मछिन्द्र क्लव २२ अंकमा दोस्रो स्थानमा छ।
प्रतिष्ठाको लडाइँका रुपमा समेत हेरिएको खेलमा विजय भएसँगै आर्मीको उपाधि होड बलियो बनेको छ। खेलमा २ पटक पछि परेकोे स्थिती उल्टाउँदै आर्मीले नतिजा आफ्नो पक्षमा पारेको हो।
पुलिसले खेलको २० औं मिनेटमा बुद्ध बल तामाङले गोल गर्दौ पुलिसलाई अग्रता दिलाएका थिए। तामाङले पेनाल्टी यरिया नजिकबाट गोल गर्दै टोललाई अग्रता दिलाएका थिए।
३४ औं मिनेटमा आर्मीका सुमन अर्यालले आर्मीका लागि बराबरी गोल फर्काएका थिए। सुमनले सन्तोष तामाङको फ्रिकिकमा हेड गोल गर्दै जाली चुमाएका थिए।
४३ औं मिनेटमा कप्तान भरत खवासले गरेको चिप प्रहार पोष्ट नजिकैबाट बाहिरिदा आर्मी अग्रता लिनबाट चुक्न पुग्यो। खेलको ५८ औं मिनेटमा पुलिसका मानबहादुर परियारले गोल गर्दै पुलिसलाई २–१ को स्थितीमा ल्याएका थिए। ७७ औं मिनेटमा विवेक बस्नेतको पासमा आर्मीका नवयुग श्रेष्ठले गोल गर्दै खेललाई पुनः बराबरीमा ल्याएका थिए।
८५ औं मिनेटमा नवयुग श्रेष्ठले गोल गर्दै आर्मीलाई २–१ ले अग्रता बनाएका थिए। सेसेहाङ आङदेम्बेको लामो पास पुलिसका डिफेन्डर अन्जन राईले क्लीयर गर्न नसकेको बललाई नवयुगले गोलमा परिणत गरेका हुन्। २ गोल गरेका नवयुग आजको खेलको म्यन अफ दि म्याच समेत बने।
त्यसको ४ मिनेटमा नै सुदिल राईको कडा प्रहार गोलमा परिणत भएसँगै आर्मीको जित सुनिश्चित भएको थियो। आजको खेल जित्दै सुपर सिक्सको यात्रा बलियो बनाउने योजना पुलिसका लागि पूरा हुन सकेन।
यसअघि त्रिपुरेश्वरस्थित दशरथ रंगशालामा लिगको दशौं चरणको आइतबारको पहिलो खेलमा संकटाले हिमालयन शेर्पालाई १–० गोल अन्तरले पराजित गरेको थियो। जितसँगै संकटा छैठौँ स्थानमा उक्लिएको छ। संकटाले ४ खेलमा जित ३ मा बराबरी र ३ खेलमा हार भोगेको छ।
शेर्पाले भने समान ४ खेलमा जित र बराबरी गर्दा १ खेलमा मात्र जित निकालेको छ। शेर्पा ७ अंकमा अंकतालिकाको १२औं स्थानमा छ। संकटाको जितमा अजयी मार्टिनले निर्णायक गोल गरे। पहिलो हाफको २१औं मिनेटमा क्षितिज राजको पासमा मार्टिनले हेडमार्फत बललाई जाली चुमाएका थिए।
पहिलो हाफमा दुवै टोलीले गोल गर्ने राम्रो अवसर पाए पनि सदुपयोग गर्न सकेनन्। खेलको ५५औं मिनेटमा मार्टिनले अग्रता दोब्बर बनाउने मौका पाए पनि सदुपयोग गर्न सकेनन्।
हिलो र धुलोका समस्याले बन्द बलेवा विमानस्थलको रनवे कालोपत्रे शुरु
